Internet 1.0 VS Internet 2.0...

你點知自己係咪 Internet 2.0 既人呢? Internet 1.0 既人會:

1. 上網重話用 ICQ.
2. 以為 orz 係一個英文字
3. 以為 Netscape 重係一個 Browser
4. 搵外個朋友重用 IDD

...

香港的歷史...

其他的地方, 歷史係用黎保留, 係香港, 歷史係用黎拆...

免費野...

相信係 21 世紀呢個 "人唔信人" 既年代, 有人話比免費野你, 你都一定會諗過先, 今日就有人比左件免費野我.

今日 PCCW 打比我話多謝我用佢地 NowTV + Netvigator Service (我搬返兆康都係 2 個月多 d, 即係我用左 PCCW 都"只"係 2 個月左右), 佢地可以免費幫我 Install 多一個 Set Top Box (解碼器), 重送多兩個台比我 (24 小時新聞台同 Star Movie, 我無 Subscribe Star Movie), 新安裝無任何合約或收費 (我問左起碼 3 次有咩 Condition), 佢只係話當你收到 PCCW 送比你既一份平時用 Redeem Letter 既禮物. 老實, 我真係唔係好信咩 Condition 都無, 我係 Subscribe 左幾多 NowTV 既 Channel, 可惜新 Set Top Box 係獨立 Account, 真係要睇 Star Movie, 要去新 Set Top Box, 要睇其他台要返原來果一個 Box.

唔通 PCCW 真係為左多一個 Account 就係咁幫人 Install d Box, 人工, 個 Box 既 Depreciation 都要錢, 睇黎 8 號仔都重係生人勿近. 不過點都要多謝 PCCW 令我可以係房到睇 24 小時新聞台. 星期六就會黎 Install... 睇下係咪比個舊既 Set Top Box 我, 又會唔會多條線.

開張大吉....

我入左呢間公司都有 6 個月啦, 第一個 Product 終於係上個星期五正式開張, 個網址係:

http://www.willflow.com

雖然叫做開張, 不過暫時未比 Public 開 Account, 就好似電影入面既 Teaser 一樣, 咩內容都無, 不過好快就會有 Trailer, 即係到時會 Invite 我既朋友用呢個 Service. 大約一兩個月後就會真正 Public. 呢個只係我公司既第一步, 我地己經 Plan 緊一個新 Service, 呢個係香港未有既. 係咩, 試下去我地個 Website, 參透下我地可以用佢黎 Provide 到咩 Service? :)

Visionary

呢個星期, 我發現原來身邊有好多有遠見, 有 Vision 既人, 識到佢地絕對係我好彩, 其實最好彩既係我幫佢地打工 :D

我自己覺得要做好一件事, 首先要搵到志同道合既 Partner, 否則只係為左小小事都可能要有共識先可以做野, 志同道合既講半句己經可以做二句, 好在我工作既地方就係有呢 d 人, 好夾, 比以前英國既日子好好多, 好大可能我唔信佢地果一套咩咩 Framework. 相信就算要辛苦 d, 要我做多 d 野, 都無所謂, 因為大家係為左一個夢想, 一個目標. 而我亦為理想出過力(亦收過 $ :P)!

我明白做野除左要有興趣, 有一個/一班好伙伴同樣重要.

生活的點滴...

有差不多 3 個月無 Update 過呢個 Blog, 可能我係果 d, 一係唔搵人, 一搵人就一定有事果 d 人...

不過今次 Update 都無咩事, 我同 MatMat 一齊實現左一個以為短時間都唔可以實現既夢想, 就係一齊住. 詳細既唔講啦, 因為都己經成知月! 另外差唔多返左黎一年, 對香港既步伐都開始習慣, OT, 假期開工, 呢 d 當然不在話下, 天氣慢慢都開始涼, 香港既溫度都開始拍得住英國, 呢排生活舒服左好多.

其實我既生活係悶, 返工放工, 同朋友出黎食飯吹下水, 假期就留係屋企, 宜家只希望 MatMat 會搵到一份 Mon - Fri 既工, 再唔係 Shift 咁就會好好多啦, 咁就可以食多 d 住家菜! :)