做咩回望租屋?

以前, 剛剛到 Oxford 既時候, 發現 M40 向 London 方向有一面圍牆寫上 "Why do I have to do this everyday?", 唔知係咩人寫, 我以前我以為我明白佢既意思, 不過我宜家有一個新既體會, 其實, 我做緊咩?

呢排四圍搵屋, 坐叮叮既機會多左, 我發覺我根本唔識坐電車, 當我見到電車黎, 想搵個銀包出黎果陣, 就發覺自己真係一個新界人! Anyway, 坐叮叮既時候, 望到沿路巴士上面既人, 960, 961, 968.. 我又領會到一樣野, 以前覺得自己諗野會試下去唔同各度諗, 就好似坐巴士既人會諗下坐叮叮既人做咩, 坐叮叮既人會諗下坐巴士既人做咩, 以前成日坐 960 諗既野, 今日坐係叮叮上面發現完全唔同.... 同一條路, 唔同既車亦唔同路.... 結果係咩?

講返租屋, 好好彩, 係北角發現左一個好岩自己既地方, 我發覺自己係真真正正第一次行北角, 其實北角係一個好地方, 我都熟灣仔, Causeway Bay, 杏花村, 柴灣.. 果 d 地方唔係好好, 一係好多人, 一係好鬼怪, 但係北角比我既感覺好特別, 有 Energy (HKU Space?), 又有舊區 Mood, 又交通方便 (112!N122!船!地鐵!), 又有海景.. 亦好旺. 可惜租貴左小小, 唔係就己經租左. 我覺得有時搵屋都係講 Impression, 我係 Lancaster 租屋, 都係睇左好多間, 不過都係得一間叫有興趣, 今日係香港搵屋亦一樣, 都叫去左西環同北角. 會再搵下, 我亦唔急要去搬, 不過, 估唔到今次搵屋既收穫係咁大!!! 我知道咩先岩自己...

探監...

今日去左探監... 其實係去左域多利監獄開放日 (Victoria Prison Decommission Open Day), 咁大個仔第一次去監獄, 除左排到一隻野咁, 其實都幾開眼界, 原來坐監真係無咩私人空間...


域多利監獄開放日 Photos Album

彩虹下在運輸處安裝 Opera Widget...

一個好奇怪的 Title.. :D

今日終於約到大忙人 Rainbow 同佢男友出黎食飯, 都係傾下計, 講下呢兩年近況, 不過最令人驚訝既係 Rainbow 都已經買左樓, 離結婚相信唔遠啦! 似乎到左咁既年紀, 出街都會講下買樓投資, om.. 希望 30 之前會有自己的樓啦...

到運輸處, 多謝運輸處, 佢地令我用左 3 個鐘去改我個 HKTraffic Widget, 運輸處用左新既交通圖片 URL. 似乎佢地加左個時間既 Code, 令個 Widget 羅唔到要既野, 唔知佢地想玩我定真係有呢個需要, 不過浪費我 d 時間!

安裝. 好神奇地近來接觸好多攪 Software 既人, 佢地都異口同聲話 "要 User Download Software 去裝好困難", 因為 d User 怕 Virus, Spyware, 唔會亂 Download Software, 所以好多 Developer 既 Approach 係整 Web base, 亦都做就左.... Javascript (again)!

Opera Widget, 因為肥恆的一句, 我無啦啦走左去 Check 下點整 Opera 既 Widget (Opera 9.0 先有), 原來同 Dashboard 有 80% 似, 結果用左 2 個鐘去 Port 左 HKWeather 去 Opera Widget, Function 有 90%, 只係差小小, 希望 Weekend 可以有個 Opera Widget Release!

老點村巴....

香港既一個特色交通工具就係村巴, 呢樣野相信係香港獨有, 只係做緊忙時間, 直接同公共巴士公司爭生意... 宜家我每日返工既主要交通工具就係村巴, 20蚊, 由洪水橋去灣仔, 經藍地. 大幾 35 - 40 分鐘可以去到灣仔. 快過我渣車! 個問題就係到啦, 返工既車無問題, 重好滿意, 不過回程呢? 經過左多日既明查暗訪, 都未搵到果一架傳聞中既回程村巴 (由灣仔去洪水橋), 根據多方面既消息 (巴士司機, 村巴站頭既阿姐/阿哥, 查訊電話), 都重未搵到係邊同幾點, 一 d 話根本無呢架車, 一d 話係灣仔加德士, 一 d 話修頓球場, 一 d 話 5:30, 一 d 話 6:30...

同一間公司都可以有咁多答案... 頭痛... 如果搵到果架村巴我一定再 Post 上黎!

Javascript 酒店...

份工都幾好, 做得好開心, 所有人都非常 Nice. 本來見呢份工果陣係話會做 Widget 既野同 P2P, 點知攪下攪下變左 Javascript Programmer, 好在我對 Javascript 都好有與趣, 唔係就大件事, 公司其中一個老細比左架 Powerbook 15" 我用, 果架係我 Dream Machine!! 可惜粒電唔爭氣, 唔係會重正!

今日 MatMat Send 左條 Link 比我, 係果 d 係佢公司工作既 "小雞"... MatMat 呢個 Hotelier 似乎有 d 激氣, 不過又好過癮.. d "小雞"係靚既酒店"攪野"... Haha.. 我都未有幾會有咁好既地方住呀!!

第一日返工...

今日第一日返工, 係一間 Startup Software Company 做 Software Engineer... 好耐未試過咁累.... X_X