幸福既拖板...

今日同 JS & BW 去左山頂影野, 我好 On9 咁未去之前買左條成 2 - 3 呎長既拖板, 就咁"拖"住, 我就同拖板由 SSP 去左 MK, 又上山頂, 之後又返 MK. MatMat 一定好 Jealous 塊拖板, 因為我都未同 MatMat 拍拖去山頂.. omm..

真正亡命小巴...

我終於知道我平時半夜坐果 d 小巴只係小兒科, 今晚果架就係出名 "半個鐘" 由旺角去到屯門, 架小巴極速係 120KM/h 左右. 係青山公路既 "平均" 時速應該超過 80KM/h, 我講緊既係平均時速, 包左過彎, Roundabout, 停站等等, 都有超過 80KM/h, 係青山公路最高時速有 110KM/h. 轉 Roundabout 條軑響晒, 真 "精彩". 第一次, 我搭車係驚既, 同死亡好近.....

白牌小巴與 Intel 蘋果

個 Title 當然同內文又無咩關係.. 叫做返左黎 2 個月, 開始熟習附近的交通, 發現新屋 (係我角度, 屋企人搬黎呢到已經有 2 年多) 既交通其實幾方便, 無盡無休既小巴, 直到深旺尖既 63X, 一個鐘可以到 Causeway Bay 既西鐵, 行出小小重有去落馬洲既小巴. 最估唔到竟然有白牌車, 最攪笑架巴士仔 (小巴啦, 20 坐果 d) 真係白色, 最出奇佢又唔係平喎, 出旺角又係 13 蚊, 架 63X 又係 13 蚊, 白牌又無保險, 邊個敢搭, 但係我次次見都滿人, 真出奇!

另外近來同 MatMat 又走左返去 Causeway Bay 玩多, 自發現左果一架 12 點後 24 蚊直入元朗既小巴 (紅色有牌既!), MatMat 返屋企又唔太遠, 咁就幾好. 以前住果道, 下下要打的, 發覺原來都幾搵笨!

今日又玩左 Intel iMac, 唔知點解係咪心理因素, 我發覺架 intel iMac 唔快得好多, 唔通真係要等 Native Office 同 Photoshop, 不過 iPhoto 都唔係好快. 咁又唔通要等 10.5!?

忙忙的一個星期...

係香港, 我既活動模式多數係 JIT (Just in Time), 要出黎就出黎, 好小一早 Plan 好晒. 今個星期既活動好似剛剛相反, 好多野已經係上星期入左 Diary. 同上星期一樣, 今個星期都似乎無咩機會係屋企食飯, 唔知又會唔會比人話...

食飯 & Apple

係我買左 iMac 唔夠 2 個月, Apple 出左 Intel Core Duo CPU 版既 iMac, 話只係一粒 CPU 都比宜家既 iMac G5 快.. Steve Jobs, 你玩野呀! 我本來好想買 Notebook, 以為 iBook 會 Update 做 Intel CPU 先, 點知今次轉 Intel 既 Product 爆晒大冷, Apple.. 真係估你唔到!

宜家, 唯有再等下, 可能等 WWDC 過後..

今日同發發 & 阿倫去左食飯.. 過左英國之後好耐都冇 3 個人出黎食過飯, 呢 d 可能係我成日話要返黎既原因, 見下朋友.. 真開心!

New Intel Mac is out!

My iMac Rev C is still selling in Apple Store, but for the same price, you can get a machine with better spec and Intel CPU! What can I say!?

It is 4am now, need to sleep...

相機, 電腦, 漫畫, 油站...

全部都無關係, 不過係我近來成日諗既野, 首先, 相機, 前幾日同 JS 上左毒王 Victor 屋企, 因為 JS 都對相機有興趣, 就同佢一齊研究 Victor 既珍藏, 真在太多, 不能盡錄, 不過我好 Impress 架 Minolta 7D, 我未買 Panasonic FZ-30 之前都想買 7D 個細佬, 5D, 不過因為玩 DSLR = 買鏡, 所以無買. 今次真係有幾會"玩"架 DSLR.. 真係幾爽, 架 FZ-30 唔係唔好, 不過有時我想影既野架 FZ-30 做唔到, 始終 FZ-30 都係一架 DC...

漫畫, 亦都係果一日上 Victor 屋企, 係 SSP, 因為要等 JS 放工, 就諗住去書店買兩本書, 就走左去一間 ""好似"" 書局既樓上店, 點知上到去個格局好怪, 原來係一間 Book Cafe, 專做租 Comic 同 Magazine + Cafe, 見上左去又有人 Serve 我, 唔好意思即走, 就同佢講睇睇先, 睇下睇下.. e 又 OK 喎, 乾淨, 光猛, 有 Free Drink, $15 個鐘就試下啦, 因為要等人就試下啦. 又幾好, 有得 Online.. 之後同 MatMat 講返, 因為 MatMat 係 Comic 狂, 尋日就走左去旺角分店, MatMat 佢乎都好鐘意, 咁就好啦, 遲 d 又多個地方去! BTW, 間野叫 十大書坊

油站, 近來成日要返工.. Zzzz..Zzzz..

電腦, 過多兩日就係 MacWorld SF 2006 啦!!!! 會有 d 咩新野呢, 一年入面 MWSF 同 WWDC 係 Apple Launch 最多最多最多最多新野既時候... 唔該, 我真係好想要架 Intel iBook!!!!

病 - Part II

真係唔知咩, 2006 年過左 3 日, 就經歷左傷風同肚瀉, 真係大吉利事! 真係唔知咩原因肚瀉, 我同 JS, KC, BW 食既野差唔多, 不過佢地個個都未事... 想死~~~ 希望唔會病足一年...

死! 又病!

唔知我係咪真係弱左小, 尋日同 MatMat 出去 Count Down, 熱左一下, 吹左一下風, 食多左小小野, 加相思病, 尋晚個胃痛, 好似消化不良, 之後今日有小小頭暈身慶.. 似乎要做多小小運動同注意一下飯食 ommm...

2006 年

先祝睇我個 Blog 既 Reader, Happy New Year! 今日過左好開心既一日, 亦諗左好多野. 先講一下今日既行程, 8:00 鐘我地先去左尖東睇幻彩詠香江 (真係未睇過!), 不過睇既地方唔係太好, 只係睇到 1/2 左右, 之後去食野, 巴西 BBQ. 再之後又係尖東行下, 因為知道 CB 同 尖咀都一定勁多人就走左去奧海城 Count Down(方便嗎, 泊左架車係果到), 但係因為我笨, 唔知去奧海城既巴士係中港城對面, 就同 MatMat 行左老遠先有巴士搭, 令 MatMat 隻腳腳起水 POP, 奧海城 Count Down 都有 d 無謂, 不過唔講啦...

Count Down 完就送 MatMat 返屋企, 之前 MatMat 話想遊下車河, 我 Suggest 去青馬觀景台, 不過 Closed. 之後就直返 MatMat 屋企. 果時我問 MatMat 有咩新年願望, MatMat 就想希望佢媽媽比 MatMat 同我一齊. 我自已希望萬事如意, 今年實再經歷過太多太多, 如果無 MatMat 係身邊, 我唔知我宜家會係邊, 我亦唔知我會唔會過得到果一關. 以前每一日見到 MatMat, 總會發傻傻地過一日, 宜家, 就好似真係返回現實, 有壓力, 有責任, Even 我未正式開始返自己既工.

回想起一年前, 11:30 車 MatMat 由公司返屋企, 返到去就睇 TV Count Down, 個節目只係半個鐘. 不過我知道第二日起身 MatMat 會係身邊. 今日就只知 MatMat 都會起身, 不過就唔係同一張床. 如果今年我只可以有一個願望, 我只係想同 MatMat 搬返一齊住, Even 有幾多野做, 有幾大壓力, 只要每一日見到 MatMat 一次, 同 MatMat 傾下計, 幾大既困難都會有力量解決.

我發現, 我生活己經不能缺少 MatMat.