汽車既洗禮....

今日叫做正式帶架車出去玩, 去左車 MatMat, 又上左 Victor 到.. 之後叫左 Victor 試下架車, 嘩, 比佢渣左"一陣"(Well, 由長沙灣去沙田再上飛鵝山再去港島再返長沙灣, 一陣), 架車爽左好多! 個 Brake 多返反應, 油門亦好左. Victor 真係掂, 好快講左差 d 咩同有咩要改良. Victor 講話想考返個的士車牌, 相信無咩難到佢 (路 and 渣車 Technique), 我亦知以後打電話問路要問邊個.. Hehe..

And 今日 MatMat 第一之見我 d 朋友, 希望佢地無失禮 MatMat 啦! 不過相信 MatMat 會同我呢班朋友夾既! :D

聖誕牛河團....

今個 Xmas 會同 MatMat 慶祝 Pre-Xmas (23 Dec) 同 Post-Xmas (26 Dec), 其實主要係就 MatMat 放假, 所以 24 號就同 d Friend 過... 平來都無打算出去, 不過見 JS 又係一個人, 就同佢出去灣仔買個 FM Transmitter 同食飯, 本來想叫 Mr. K 食飯, 不過佢屋企人已經生米煮成熟飯, 不過話會之後出黎. 係灣仔買唔到我想買既 Transmitter, 所以就 Cheap Cheap 地買個 $95 only.

之後食飯, JS 就 Suggest 一個聖誕牛河, Mr. K 亦有興趣, 先灣仔 681 去到馬鞍山會合 Mr. K, 之後 299 去到西貢, 再係西貢補給. 又搭 792M 去到將軍澳, 將軍澳再 MTR 去東涌, 之後就返旺角 (解散), 自已就坐亡命小巴 (加左價, $30 蚊!)入元朗... 第一次係香港牛河, 正!

新 Widget Idea...

剛剛果一個 Post, 亦比到我整 Widget 既 idea, HK BUS, Check 巴士既 Timetable 同尾班車.. omm... 掂!

狗與交通工具...

兩者其實並無關係.. 只不過今日屋企又多左一隻狗, 叫仔仔, 係某人因為屋企唔比再養狗, 所以我地收留左佢, 白色松鼠狗一隻, 加兩隻唐狗, 飛馳同旺財, 只係希望佢地唔好打交.


之後今晚同 MatMat 出左去 Pre-慶祝 Xmas, 食左 Sushi, 唔錯, 又睇左 Harry Potter, 呢集我個人覺得係最好既一集, Effect 無 Overdone, 亦""適當""地 CUT 左某 d 情節 (如果唔 Cut, 相信可能比 3 集 Lord of The Ring 長 :D ). 我好滿意. 睇完電影先係戲肉, 返屋企, MatMat 最方便, 同佢一齊去中環, TAXI~~~.. 我就差 d, 本來想坐 N962, 不過好似搵唔到, 之後去左坐 N968, 入返元朗, 再 TAXI~~~ 返屯門, 好在, 重平過以前由元朗返加州花園. 不過我最擔心既係一個 "小妹妹 (According to MatMat)", 佢係一個無咩人既奧運站問我同MatMat點九龍糖, 我應該叫佢出返站坐 Taxi, 不過我又唔知中環去荃灣既車收左未, 就叫佢一試去中環轉地鐵去旺角, 到時就大把車啦. 不過去到中環, 尾班車都好似未開... Om.. God Bless Her. 送左 MatMat 之後又有個鬼係正 中環 Landmark 大 LV 門口問我 Landmark 係邊? 真係吹睥... "This is The Landmark", 我只係咁答, 唔鬼知佢想點.. 可能有人話比佢知 Landmark 有 Taxi 啦.


不過香港真係方便, 唔理幾夜, 條街好多時都有 Taxi. 半夜係旺角就邊都去到, 呢 d 先係 "The City never sleeps".

另一種.. 一個人的日子...

唔知點解, 今晚特別掛住 MatMat, 返左黎都有一個月, 似乎呢個 "病" 一日比一日嚴重, MatMat 成日話我慢熱, 可能係啦. 真係好掛住以前日日車 MatMat 返工, 放工同一齊住, 果種知道 Matmat 就黎會返黎既感覺好待別. 以前想見 MatMat 只要係間屋到搵 MatMat 出黎, 一係只要等 MatMat 放工, 宜家呢種要等到唔知幾時先可以見既 Feeling 係幾痛苦. 以前好簡單, 一個 MatMat, 加一個我同唔夠 20 個朋友 or 其他人, 返到黎就要係一大班朋友同屋企人入面搵一個 Balance (e.g. 呢幾日好似日日出街, 好似要留返係屋企.. etc).

過去既一年, 我希望係 MatMat 同我未來既 Preview (or Trailer), 呢個 Trailer 好好睇好完美. 如果正場快 d 上, 咁就好啦.

很久沒有 Update...

零零碎碎的事實在太多, 要幫屋企手, 同 MatMat 夾時間, 自己既野, 唔好話 Weblog, 我連 Game 都小玩左好多, 發發之前先打黎問我係咪去左旅行, 幾日都唔見人. 之前 Audrey 小妹妹又話係我個 Server 整個 Character 去 Overtake 我, 相信都唔好好難, 成個星期無玩, 佢就一日玩二十幾個鐘.

之前車既野亦攪掂晒, 即係連車都拎左, 最後決定左最 Suzuki Swift, 渣上手既感覺真係同以前渣開既好唔同, 307, SAAB 95, SpaceWagon.. 係小左 d 位去放野, 不過又有幾多野去放? 今日收車既時候成 5 點, 未有時間影相, 有時間會同架車拍返小小相..

近來小見左 MatMat 好多, 因為佢返工忙, 當然都 Expect 會咁, 不過有小小唔開心, 傾電話既時間只得 MatMat 放工, 其他只有間唔中既 MSN or SMS, 個感覺冇咁 Close. 希望當 MatMat 份工穩定左之後, 可以返工果時傾兩句, 可能係英國果時真係同 MatMat 咩都講.. 宜家真係小左好好好好好好好好多...

恭喜 MatMat 搵到野做!!!

呢個星期最有既事可以算係 MatMat 搵到野做, 同暫時見一份請一份, 命中率好高, 不過 MatMat 最後都係揀返入 Holiday Inn, 世界真細小... 唉...以後就會見小 MatMat 好多啦!

第二樣係車, 前日走左去試車, Daihatsu Sirion (即 Toyota Passo), 係香港真係第一次試車, 英國就成日試, 重好好玩, 係香港都唔差, 只係多個 Sales 不停講講講講... So far Sirion 個感覺幾好, 個 Sales 都肯 Sell, 星期六會去試 Suzuki Swift, 本來我好想要呢架, 因為齊料, 有 Climate Control, 有 Keyless Entry 又有 Folding Mirror, 不過價錢貴同個 Interior 好似冇 Sirion 咁實用... Swift 係 Sell 渣車個 Feeling, 希望星期六會有 Surprise, 唔係就應該 Sirion, 好想快 d 出車, 車 MatMat 去玩...

不過好多人叫我買 Mazda 2, 不個個樣好悶... 又唔係平... 我都係鐘意 d 有 Character 既車...

中文 Blog...

返到左香港, 我都開始間中打下中文 Blog...

又過左一個充實既星期, 係香港生活, 總好過係英國, 係英國只係每日諗下食咩, 幾時去買野食... 返到香港就見到好多朋友, 好似今個星期一就去左 Disney, 比想像中好好多, 可能香港既 Media 太一面倒 Negative. Buzz Lightyear 果一個真係好好玩, 可惜 MatMat 同 Viv 都唔玩 Space Mountain, 我都冇 Mood 自己一個玩..

之後前日上左 Victor 新屋, 只係一個字 WOW <img src=http://www.clicksmilies.com/s0105/sprachlos/speechless-smiley-040.gif>. Victoria Harbour View, i-Home, 90 幾吋 Plasma TV, 先唔好話用左幾錢, 不過一定用左好多心機, 亦相信會係我地既新 Rendezvous Point.. <img src=http://www.clicksmilies.com/s0105/aetsch/cheeky-smiley-036.gif>

尋日又走左去送Viv, Viv 返左兩個星期又走左啦, MatMat 都好唔捨得, 亦好擔心.. Anyway, 希望 Viv 返到英國會小 d 麻煩啦....

今日約左肥豬 et al 食飯... 數數手指重有 3 班人未約食飯, 相信真係聖誕前都唔會得閒....