四月之哀...

我成個月都無 Update 過, 其真係呢段無 Update 既時間發生左好多事.

第一, 我辭左係 .WillFlow 果份工, 呢個係好突然, 對我同對任何人, 成件事發生係唔夠一個星期, Nick 話有份工比我問我有無興趣, 傾下傾下就發覺可能果份工可能會岩我多 d, 咁就決定左入佢地公司. 其實我一路都無諗過會轉工, 不過有時機會既野, 只係一次, Miss 左就會後悔. 係宜家公司做得好開心, 幾個同事就好似兄弟咁, 拍住上. 不過, 天下無不散之筵席, 我都好唔捨得, 但願之後再會有合作機會.

其實除左班兄第, 我都好唔捨得我果三大一細, 公司 3 架 Servers 同一架 Notebook, 果幾架野係我一手一腳 Setup, 做 Maintenance. 我每日都會睇住佢地, 睇下有無咩頭暈身慶. 除左之前有架 Server "食錯野"之外, 都叫生活得開開心心. 走左之後, 我工作既性質就無左 Server Admin 呢方面, 有時睇 Server Log 會係我消遣活動之一, 可能遲 d 無得睇啦.

我將會係 5 月 2 號返新工, 公司叫 OutBlaze, 係數碼港, 相信返工放工都會幾係野 :(

第二, 我去左公司旅行, 地點係泰國蘇梅島, 公司出機票同酒店! 正! 可惜天氣唔係太好, 有幾日都落雨. 好在都叫有游過水做過 SPA, 唔係都唔可以叫去過泰國.

相: 睇相 Click 入黎