震撼立體聲...

今日睇左 Letter from Iwo Jima, 嘩, d 音響效果好工, 平時都會專登去某 d 戲院去避開 d 音響, 估唔到今次係我係香港睇戲以黎最勁既一次, 由前面, 後面同左面一齊發, 嘩, 正到媽媽聲, 首先講下前面低音, 由十個大陸自由行組成, 每次有大場面就會出鄉(唔係響)音, 正! 不過都唔係最勁, 之後到後面既 Surround, 由一對男女 (三十至四十) 組成, 每 5 - 10 分鐘就講兩句講兩句, 細細聲不過都聽到佢地講緊野. 後面高音甜, 前面低音準! 不過最堅既係左面獨立 Channel, 由一個呀伯 Sole, 佢得閒就爆兩句, 大大聲, 相信好多人都聽到, 係到講呢個點點點, 果一個點點點, 比 Clint Eastwood 聽到, 一定開拖, 不打不相識. Right?

好在的係, 今次無人踢椅背 (我地坐最後果行), 如果加多呢個動感 Effect, 可能我會頂唔順.

By the way, 今日去果間唔係 MK 戲院, 係 Palace IFC. 我同同行既朋友都好失望 :(