白牌小巴與 Intel 蘋果

個 Title 當然同內文又無咩關係.. 叫做返左黎 2 個月, 開始熟習附近的交通, 發現新屋 (係我角度, 屋企人搬黎呢到已經有 2 年多) 既交通其實幾方便, 無盡無休既小巴, 直到深旺尖既 63X, 一個鐘可以到 Causeway Bay 既西鐵, 行出小小重有去落馬洲既小巴. 最估唔到竟然有白牌車, 最攪笑架巴士仔 (小巴啦, 20 坐果 d) 真係白色, 最出奇佢又唔係平喎, 出旺角又係 13 蚊, 架 63X 又係 13 蚊, 白牌又無保險, 邊個敢搭, 但係我次次見都滿人, 真出奇!

另外近來同 MatMat 又走左返去 Causeway Bay 玩多, 自發現左果一架 12 點後 24 蚊直入元朗既小巴 (紅色有牌既!), MatMat 返屋企又唔太遠, 咁就幾好. 以前住果道, 下下要打的, 發覺原來都幾搵笨!

今日又玩左 Intel iMac, 唔知點解係咪心理因素, 我發覺架 intel iMac 唔快得好多, 唔通真係要等 Native Office 同 Photoshop, 不過 iPhoto 都唔係好快. 咁又唔通要等 10.5!?